سپریم کورٹ کے چیف جسٹس این وی رمنا نے اے پی کے تروپتی میں دو خصوصی عدالتوں کا افتتاح انجام دیا۔زیرالتوا مقدمات کی تعداد میں کمی کے لئے لال صندل کی لکڑی کی اسمگلنگ کے مقدمات کے لئے علحدہ عدالتیں قائم کی گئی ہیں۔چیف جسٹس نے تروتپی کے ای ایس آئی اسپتال سے متصل ٹوڈاکامپلکس میں اس کا افتتاح انجام دیا۔لال صندل کی لکڑی کے مقدمات کی سماعت کیلئے ریاست میں یہ پہلی عدالت ہوگی۔اس عدالت کے قیام کے بعد لال صندل کی لکڑی کے مقدمات کی تیز ترسماعت کو یقینی بنانے میں مدد ملے گی۔ Special Courts in Tirupati
حالیہ دنوں کے دوران لال صندل کی لکڑی کی اسمگلنگ کے معاملات میں اضافہ پر ریاستی حکومت نے ایسے مقدمات سے نمٹنے کیلئے علحدہ عدالت کے قیام کا فیصلہ کیا تھا۔جیوڈیشل مجسٹریٹ فرسٹ کلاس کورٹ اور ڈسٹرکٹ کورٹ کی منظوری عمل میں لائی گئی تھی ۔واضح رہے کہ سیشاچلم کے جنگلات سے لال صندل کی لکڑی کی اسمگلنگ کے واقعات میں اضافہ ہوگیا ہے۔اسی کو دیکھتے ہوئے حکومت نے زیرالتوا تمام مقدمات کو کم کرنے اور تمام مقدمات کے تیز تر تصفیہ کو یقینی بنانے کے لئے عدالت کا قیام عمل میں لایاہے۔
یواین آئی
