آندھراپردیش کے ضلع سریکاکلم میں سستی شراب پینے کے بعد 25افراد بیمارپڑگئے۔یہ واقعہ ضلع کے سوم پیٹ منڈل کے سری مامڈی علاقہ میں پیش آیا جس سے سنسنی پھیل گئی۔
ہفتے کی شب ان افراد نے یہ شراب پی تھی جس کے بعد ان کی صحت اچانک خراب ہوگی۔ان تمام کو علاج کے لئے اسپتال داخل کیاگیا۔ان میں دو کی حالت تشویشناک بتائی جاتی ہے۔انھیں بہتر علاج کے لئے سریکاکلم کے جی جی ایچ منتقل کیاگیا۔
اطلاع ملتے ہی پولیس وہاں پہنچی جس نے اپنی ابتدائی جانچ میں کہا کہ اوڈیشہ سے ان افراد نے یہ سستی شراب حاصل کی تھی جس کے استعمال کے بعد یہ افراد بیمارپڑگئے۔
واضح رہے کہ لاک ڈاون میں شراب کی دکانیں بند تھی، جس کی وجہ خواتین خوش تھیں، کیونکہ اکثر وبیشتر یہ دیکھا گیا کہ شراب پینے والے مرد گھر کی عورتوں پر ظلم کرتے ہیں۔ لاک ڈاون میں نرمی کے بعد حکومت نے جس طرح شراب کی دکانوں کو کھولنے میں تیزی دکھائی اور اسے کھلوادیا اس پر کئی سماجی اور خواتین تنظیموں نے برہمی ظاہر کی۔
