سگنل پررکی ہوئی موٹر سائیکل کو کار نے ٹکردے دی جس کے نتیجہ میں نوجوان لڑکی ہلاک ہوگئی اور اس کا ساتھی زخمی ہوگیا۔ یہ حادثہ کل حیدرآباد کے سی آئی آئی جنکشن ٹریفک سگنل کے پاس پیش آیا۔
مادھاپور پولیس نے بتایا کہ سافٹ ویئر انجینئر اجے ساکن نریڈ میٹ اپنی دوست جینیفر عرف ڈکروس کے ساتھ موٹرسائیکل پر جارہا تھا۔ وہ جیسے ہی سگنل پر رکے پیچھے سے ان کی گاڑی کو کار نے ٹکردے دی۔ اس حادثے میں لڑکی ہلاک اور نوجوان زخمی ہوگیا۔
پولیس نے کارڈرائیور کے خلاف معاملہ درج کرلیا ہے، جب کہ نوجوان کو علاج کیلئے اسپتال داخل کرادیا گیا ہے۔ اطلاع کے مطابق ہلاک ہونے والی لڑکی کی جلد ہی شادی ہونے والی تھی۔
یو این آئی
