حیدرآباد کے علاقہ مشیرآباد میں بنگلہ دیش کے نام سے ایک بڑی مارکیٹ ہے، جس میں 500 سے زیادہ دکانیں موجود ہیں اور اس مارکیٹ میں مختلف قسم کی ضروری اشیا دستیاب ہیں۔
بنگلہ دیش مارکیٹ میں لڑکیوں کے کپڑے، دلہن کے ملبوسات، زیورات، اور شادی بیاہ کے سامان، اس کے علاوہ لڑکوں کے ملبوسات اور دیگر ضروری اشیا دستیاب ہیں۔
آج سے 40 سال قبل تمل ناڈو سے تعلق رکھنے والے 8 افراد چبوترے پر کپڑے فروخت کیا کرتے تھے، یہ لوگ کم قیمت میں کپڑے فروخت کرتے تھے۔ اس کے بعد دکانوں کی تعداد میں اضافہ ہوتا گیا۔ آج اس مارکیٹ میں 500 سے زیادہ دکانیں موجود ہیں۔
آج اس مارکیٹ سے ہزاروں نوجوان روزگار سے جڑ چکے ہیں اور ہزاروں خاندانوں کا گزر بسر ہو رہا ہے۔
آج بھی بنگلہ دیش مارکیٹ میں کم قیمت میں اشیا دستیاب ہوتی ہیں۔ دوسری مارکیٹ کے مقابلے اس مارکیٹ میں کم قیمت ہوتی ہے۔ اس مارکیٹ میں ریاست اور بیرون ریاستوں کے مختلف اضلاع سے لوگ خرید و فروخت کے لئے آتے ہیں۔
