کرنول کے سابق مئیر بی اننتیا کا اقدام خودکشی

تلگودیشم کے سینئر لیڈر و کرنول کے سابق مئیر بی اننتیا نے بدھوار پیٹ علاقہ میں واقع اپنے مکان میں پھانسی لینے کی کوشش کی ۔

اس درمیان ارکان خاندان کو خبر ملتے ہی انہوں نے ان کو فوری طورپر کرنول کے سرکاری اسپتال منتقل کیا۔ اطلاعات کے مطابق اننتیا کی پارٹی کے بعض لیڈروں نے بے عزتی کی تھی۔

وہ مالی مشکلات کا بھی سامنا کررہے تھے۔ ان مسائل پر مایوسی کے عالم میں انہوں نے خودکشی کی کوشش کی۔ان کاعلاج ہسپتال میں کیاجارہا ہے۔

بتایاجاتا ہے کہ ان کی صحت مستحکم ہے۔ انہوں نے اپوزیشن تیلگودیشم جماعت کے کئی دھرنوں اور احتجاج میں بھی حصہ لیا تھا اور وہ پارٹی کے کافی سرگرم لیڈر ہیں۔

ان کے اقدام خودکشی کی اطلاع پاکر پارٹی رہنماؤں کی بڑی تعداد ہسپتال پہنچی جہاں وہ زیر علاج ہیں۔

بی اننتیا کو نئےطرح کے احتجاجوں اور مظاہروں کے لیے جانا جاتا ہے، وہ سمائکیندرہ مہم کے دوران دہلی اور اندھرا پردیش میں کافی معروف ہوئے تھے۔