تلنگانہ کانگریس کے رکن اسمبلی جگاریڈی نے سرکاری ملازمتوں پر تقرری کے لئے وزیراعلی تلنگانہ کے چندرشیکھرراو کے اسمبلی میں اہم اعلان پر ردعمل ظاہر کرتے ہوئے اس کا خیرمقدم کیا۔ Jagga Reddy on Government Jobs
انہوں نے میڈیا سے بات کرتے ہوئے کہا کہ وہ اس اعلان پر وزیراعلی کے چندرشیکھرراو کا شخصی طورپر شکریہ اداکرتے ہیں۔انہوں نے کہا کہ کانگریس کی ملحقہ تنظیموں این ایس یو آئی،یوتھ کانگریس نے ملازمتوں کی فراہمی کے مطالبے کے لیے دھرنا دیا تھا۔
انہوں نے واضح کیا کہ تلنگانہ کو ریاست کا درجہ کانگریس پارٹی کی صدرسونیا گاندھی اور راہل گاندھی نے دیا تھا۔انہوں نے ساتھ ہی ذاتی اراضیات رکھنے والوں کو تین لاکھ روپئے مکان کی تعمیر کے لئے رقمی امداد سے متعلق وزیراعلی کے اعلان کا بھی خیر مقدم کیا۔ انہوں نے مطالبہ کیا کہ ان 91 ہزار کے علاوہ دیگر ملازمتیں بھی پُر کی جائیں۔
