آندھراپردیش کے ضلع پرکاشم میں مارکاپورم آرٹی سی بس ڈپو میں آگ لگنے کا واقعہ پیش آیا۔ بھیانک آگ بس ڈپو میں ٹھہرائی گئی بس میں اچانک لگی جس کے نتیجہ میں یہ بس جل کر مکمل طورپر خاکستر ہوگئی۔
ڈپو کے عہدیدار اس واقعہ کی وجہ معلوم کرنے کی کوشش کررہے ہیں۔اس واقعہ کے وقت بس میں مسافرین نہیں تھے جس کے نتیجہ میں ایک بڑا واقعہ ٹل گیا۔ اطلاع ملتے ہی فائر بریگیڈ کے اہلکار وہاں پہنچے جنہوں نے کافی جدوجہد کے بعد آگ پر قابو پایا۔
بتایاجاتا ہے کہ بس کے بیٹری میں شارٹ سرکٹ کے نتیجہ میں یہ آگ لگی جو دیکھتے ہی دیکھتے پھیل گئی۔ ڈپو کے عہدیدار اس بات کا پتہ چلانے کی کوشش کررہے ہیں کہ یہ آگ لگی یا پھر لگائی گئی ہے۔ اس واقعہ کے ساتھ ہی بس ڈپو میں افراتفری مچ گئی۔ لوگ دوڑنے لگے۔ بعض افراد آگ کی ویڈیو بناتے ہوئے بھی دیکھے گئے۔ اس واقعہ میں ہوئے مالی نقصان کا ہنوز اندازہ نہیں لگایاجاسکا۔
