تلنگانہ: تلنگانہ اسمبلی میں مجلس کے فلور لیڈر اکبر الدین اویسی نے گورنر کے خطبہ پر تحریک تشکر کے مباحث میں حصہ لیتے ہوئے، حالیہ دنوں وزیراعلی ریونت ریڈی کی جانب سے طلب کردہ اجلاس میں مجلس کے ارکان مقننہ کی شرکت کی وضاحت کرتے ہوئے کہا کہ ”لوگ سمجھ رہے ہیں کہ ہم آپ کے پاس بھاگ کر گئے لیکن آپ کی دعوت پر ہم آئے تھے” میں آپ کا شکریہ ادا کرتا ہوں کہ آپ نے مجلس کے ارکان مقننہ کے اجلاس میں میٹرو ریل کو ایرپورٹ تک پرانا شہر سے لے جانے کا تیقن دیا۔
غور طلب ہو کہ اکبر الدین اویسی نے واضح کیا کہ مجلس حکومت کے ہر وہ کام اور فیصلہ کی تائید کرے گی جو عوام کے مفادات میں ہوں۔ اس کے برعکس اگر عوام کے مفاد میں نہیں ہوئے تو ہم حکومت کی مخالفت کریں گے۔ اس موقع پر اکبر الدین نے انتخابی وعدوں کو پورا کرکے عوام کے دلوں کو جیتنے کا کانگریس حکومت کو مشورہ بھی دیا۔
یہ بھی پڑھیں:
- اکبر الدین اویسی کو پروٹیم اسپیکر منتخب کرنے پر ملا جلا ردعمل
- اکبر الدین اویسی کی پروٹیم اسپیکر کی حیثیت سے حلف برداری
اکبر الدین اویسی نے مزید کہا کہ کانگریس مسلمان کے مسائل پر غور کریں۔ شادی مبارک، سکالرشپ، چارمینار پروجیکٹ ورک، عثمانیہ ہاسپٹل کا تعمیراتی کام، نظام یونانی دواخانہ کا بجٹ، دواخانہ کا تعمیراتی کام، آئی ٹی ٹاور کا کام، موسیٰ ندی کی صفائی کا کام جاری رکھنا ہوگا۔ خصوصی طور پر اُردو کے ساتھ انصاف کریں۔ ان خیالات کا اظہار آج کے اسمبلی اجلاس میں اکبر الدین اویسی نے کی۔
