مولانا آزاد قومی اردو یونیورسٹی کی جانب سے فلک نما میں واقع ماڈل اسکول میں مولانا ابوالکلام آزاد کو خراج عقیدت پیش کرتے ہوئے ایک ہفتہ طویل تقاریب کا افتتاح کیا۔ اس موقع پر وائس چانسلر ڈاکٹر محمد اسلم پرویز نے اپنی صدارتی تقریر میں طبہ کو مشورہ دیا کہ وہ غور و فکر کی صلاحیت کو پروان چڑھائیں۔
گاندھی بھون میں مولانا آزاد کے یوم پیدائش کے موقع پر سابق وزیر محمد علی شبیر نے خانگی تعلیمی اداروں کی جانب سے فیس میں بے تحاشہ اضافہ کے خلاف دستخطی مہم کا آغاز کیا۔
انہوں نے کہا کہ ملک کے پہلے وزیر تعلیم کا مقصد سب کو تعلیم سے آراستہ کرنا تھا لیکن تلنگانہ حکومت نے تعلیم کو بہت مہنگا کردیا ہے۔ انہوں نے کے سی آر حکومت پر الزام لگاتے ہوئے کہا کہ خانگی اسکولوں میں فیس پر کنٹرول کرنے میں حکومت ناکام رہی ہے۔
المکہ ایجوکیشن سوسائیٹی کی جانب سے چلائے جانے والے نارائین پیٹ ضلع مستقر کے ماڈرن ہائی اسکول میں قومی یوم تعلیم کے موقع پر ایک خصوصی پروگرام منعقد کیا گیا جس میں طلبا کی کثیر تعداد موجود تھی۔
اس موقع پر سینئر صحافی تبریز حسین تاج نے خطاب کرتے ہوئے طلبا کو تعلیم پر خاص توجہ دینے کا مشورہ دیا۔ اُنہوں نے مولانا آزاد کے نظریات پر روشنی ڈالتے ہوئے طلبا کو اچھے انسان بننے کی تلقین کی۔
اس اجلاس میں عبدالقدیر سنڈے کرسپانڈنٹ، صدر مدرس محمد ذاکر حسین تاج نے شرکت کی۔ اسکول انتظامیہ کی جانب سے تبریس حسین تاج کو تہنیت پیش کی۔
