حیدرآباد: میٹروسے چار لاکھ مسافروں کے سفر کرنے کا ریکارڈ

ریاست میں آرٹی سی کی ہڑتال ہے اور متبادل ٹرانسپورٹ کے طور پر لوگ میٹرو ریل کا زائد استعمال کررہے ہیں۔

حیدرآباد میٹرو ٹرین نے گزشتہ روز چارلاکھ مسافرین کے ساتھ ایک نیاریکارڈ بنایا ہے۔
حیدرآباد میٹرو ریل کے منیجنگ ڈائرکٹر این وی ایس ریڈی نے کہا کہ 'میٹرو کو عوام کے لئے کھولے جانے کے بعد سے یہ اب تک کا سب سے بڑا ریکارڈ ہے۔

میٹرو ٹرینوں میں سفر کرنے والے افراد کی تعداد میں اضافہ ہوگیا ہے کیونکہ ریاست میں آرٹی سی کی ہڑتال ہے اور متبادل ٹرانسپورٹ کے طور پر لوگ میٹرو ریل کا زائد استعمال کررہے ہیں۔

میٹرو کی اضافی خدمات چلائی جارہی ہیں۔

میٹرو ریل نے پیر کو 830ٹرپس کئے۔