ریاست تلنگانہ کے حیدرآباد میں 'ہیلپنگ ہینڈ فاؤنڈیشن' نامی ایک تنظیم ہے جو مجبور عوام کو مفت میں علاج کروا رہی ہے۔
اس ضمن میں بہادر پورہ کے علاقے میں اس تنظیم نے اپنا ایک سال مکمل کیا۔ اس دوران ہزاروں مستحق افراد اس سے استفادہ کیا۔
اس موقع پر ریاست کی معروف مندر چلکور بالاجی مندر کے پنڈت سی ایس رنگا راجن نے شرکت کرتے ہوئے 'ہیلپنگ ہینڈ فاؤنڈیشن' کے خدمات کی ستائش کی اور کہا کہ ہر مذہب انسانیت کی خدمت کا درس دیتا ہے۔ انسانوں کے حقوق کی ادائیگی بھی عبادت کا ایک حصہ ہے۔
چلکور بالاجی مندر کے پنڈت سی ایس رنگا راجن نے مسجد اسحاق میں منعقد اس پروگرام میں شرکت کی اور بتایا کہ مسجد، مندر اور گرودوارہ وغیرہ سبھی خدا کے گھر ہیں جہاں انسانیت کا درس دیا جاتا ہے۔ انہوں نے بتایا کہ ہر عبادت خانے میں اس طرح کے فلاحی اقدامات کو لازمی کرنا چاہئے تا کہ صحیح معنوں میں انسانیت کی تعلیمات کو فروغ دیا جا سکے۔
