جی ایچ ایم سی کو ایک دن میں حاصل ہونے والی اب تک کی سب سے بڑی جرمانے کی رقم ہے۔ این ریڈی نامی شخص کوسب سے زیادہ ایک لاکھ روپے عائد کیا گیا جبکہ 12 افراد کو 50 ہزار اور بقیہ افراد کو پچیس تا تیس ہزار روپے بطور جرمانے عائد کئے گئے۔ جی ایچ ایم سی نے 15 اکتوبر کے روز ایک ہی دن میں تمام 30 سرکلس میں جملہ 2109000 کے جرمانے عائد کئے۔
شہر کو صاف رکھنے کیلئے 'صاف حیدرآباد شاندار حیدرآباد' مہم چلائی جارہی ہے، جس کے تحت کارپوریشن نے شہری حدود میں بلا اجازت گلیوں اور سڑکوں پر کوڑا کرکٹ یا تعمیراتی میٹیریل ڈالنے والے شہریوں کے ساتھ سختی سے نمٹتے ہوئے بھاری جرمانے عائد کرہی ہیں۔
24 مئی سے 15 اکتوبر تک جی ایچ ایم سی کو تمام سرکلس سے جرمانوں کے ذریعے وصول ہونے والی آمدنی 1,98,14,770 روپئے ہے۔ دوسروں پر بھاری بھر کم جرمانے عائد کرنے کے باوجود جی ایچ ایم سی کی کارکردگی غیر اطمنان بخش ہے۔ شہر میں ہر طرف کچرے کے انبار، کوڑے کے ڈھیر، کھلے اور ابلتے میں ہول اور ہلکی سی بارش کی وجہ سے سڑکوں کا جھیل میں تبدیل ہونے کی وجہ سے عوام کو دقتوں کا سامنا ہے۔ عوام کا سوال ہے کہ کارپوریشن کی اس ناکامی پر ان پر کون جرمانہ عائد کرے؟
