حیدرآباد میں خواتین کی ایک جماعت نے آج سعیدآباد پولیس اسٹیشن میں معروف موٹیویشنل اسپیکر برادر سراج اور ان کی اہلیہ بشریٰ اور ان کی تنظیم پیس میسیج فاؤنڈیشن کے خلاف 5 کروڑ روپے غبن کرنے کا الزام لگایا ہے۔
خواتین کا الزام ہے کہ آئی پی ایس اسکول میں سرمایہ کاری کے ذریعے ماہانہ منافع کے نام پر برادر سراج کی اہلیہ بشریٰ نے ان سے لاکھوں روپے لیے اور چھ ماہ تک منافع کی رقم ادا کی گئی لیکن ڈھائی برس سے منافع ادا نہیں کیا گیا اور اصل رقم کی طلبی پر ٹال مٹول کی جارہی ہے۔
برادر سراج کو یونیورسل اسلامک ریسرچ سینٹر کے ذریعہ مقبولیت حاصل ہوئی، لیکن یو آئی آر سی کے ذمہ داروں کے مطابق برادر سراج یا ان کی اہلیہ کا گزشتہ ایک برس سے یو آئی آر سی سے کوئی تعلق نہیں ہے۔
وہیں برادر سراج نے اپنی اہلیہ بشریٰ سے لاتعلقی کا اظہار کرتے ہوئے وضاحت کی کہ ان کی اہلیہ اور ان کے درمیان طلاق ہوچکی ہےاور رقم لین دین کا معاملہ خواتین کے درمیان ہوا ہے جس سے اس کا کوئی تعلق نہیں ہے۔
اطلاعات کے مطابق پولیس نے اس سلسلے میں مقدمہ درج نہیں کیا ہے_
