حیدرآباد: شہر حیدرآباد میں جلد ہی الیکٹرک گاڑیوں کے 150 چارجنگ اسٹیشن دستیاب کروائے جائیں گے۔ ریڈکو کے صدرنشین وائی ستیش ریڈی نے کہا کہ گاڑی کی چارجنگ صرف 30 سے 45 منٹ میں مکمل ہو جائے گی۔ گاڑی چلانے والے اپنی گاڑیاں دوسری کمپنیوں کے مقابلے میں بہت کم قیمت پر چارج کر سکتے ہیں۔ ستیش ریڈی نے درگم چیرو کے قریب ریڈکو کے ذریعہ قائم کردہ الیکٹرک وہیکل چارجنگ مشین کا معائنہ کیا۔ انہوں نے کہا کہ تلنگانہ نے ملک کی پہلی ریاست ہونے کا اعزاز حاصل کیا ہے جس نے چارجنگ سنٹرس کے قیام کے لئے پیشگی سروس چارج قائم کیا ہے اور یہاں پر فاسٹ چارجنگ سنٹرس بڑی تعداد میں قائم کئے جارہے ہیں۔ ستیش ریڈی نے کہا کہ تلنگانہ حکومت کے تعاون سے فاسٹ چارجنگ سنٹرس کے قیام کو تیزی سے مکمل کیا جاسکتا ہے۔ Electric vehicle charging stations to be set up in Hyderabad
یو این آئی
