ریاست تمل ناڈو حکومت نے لاک ڈاؤن کے اصولوں میں ڈھیل دیتے ہوئے ریاست میں اتوار سے کچھ شرائط کے ساتھ سیلون اور بیوٹی پارلر کھولنے کی اجازت دے دی ہے، لیکن چنئی پولیس کے تحت آنے والے علاقوں اور کووڈ-19 کنٹینمنٹ زون میں اس کی اجازت نہیں ہوگی۔
وزیراعلیٰ ای پلانی سوامی نے ہفتے کو ایک بیان میں کہا کہ چنئی کو چھوڑ کر سبھی اصولوں، میونسیپل کارپوریشنز اور پنچایت علاقوں میں کچھ شرائط کے ساتھ سیلون اور بیوٹی پارلر صبح سات بجے سے شام سات بجے کے درمیان کھولے جاسکتے ہیں۔
سیلونز اور بیوٹی پارلرز کو سختی سے جسمانی دوری کے اصولوں پر عمل کرنے کے لیے کہا گیا ہے، اور گاہکوں اور ملازمین کے لیے ماسک لازمی ہوگا۔
اس کے علاوہ انہیں باضابطہ طور پر اپنے ہاتھوں کو سابن سے دھونا ہوگا، بخار یا زکام کی علامات والے لوگوں کو سیلونز میں داخل ہونے کی اجازت نہیں دی جائے گی۔
مسٹر پلانی سوامی نے کہا کہ سیلونز اور بیوٹی پارلرز کو یہ یقینی بنانا ہوگا کہ ان کے یہاں کام کرنے والے لوگ کنٹینمنٹ زون سے نہیں ہیں، اور سیلونز اور بیوٹی پارلرز کو دن میں پانچ بار سینیٹائز کرنا ہوگا۔
وزیراعلیٰ نے کہا کہ 19 مئی سے دیہی علاقوں میں حجام کا کام کرنے والے لوگوں کو کام کرنے کی اجازت دے دی گئی تھی، اور اب وہ چنئی پولیس کے تحت آنے والے علاقوں اور کووڈ-19 کنٹیمنٹ زون کو چھوڑ کر پوری ریاست میں کام کرسکتے ہیں۔
