ریاست تمل ناڈو کے دھرم پوری کے قریب جمعہ کو بنگلور جانے والی ٹرین کے پانچ ڈبے پٹری سے اتر گئے۔
جنوبی ریلوے نے بتایا کہ 'یہ واقعہ ٹرین پر پتھر گرنے کے بعد پیش آیا۔ حادثے میں تمام مسافر محفوظ ہیں کوئی زخمی نہیں ہوا ہے۔'
کنور-بنگلورو ایکسپریس جمعرات کی شام 6.05 بجے کیرالہ کے کننور سے روانہ ہوئی تھی۔ ریلوے کی طرف سے ایک سرکاری پریس ریلیز میں کہا گیا ہے کہ '12 نومبر کو صبح 3.50 بجے چلتی ٹرین پر اچانک پتھر گر پڑے، جس سے ٹرین نمبر 07390 کنور-بنگلورو ایکسپریس کے پانچ ڈبے پٹری سے اتر گئے۔
یہ بھی پڑھیں: اجمیر: مال بردار گاڑی کی زد میں آنے سے نوجوان ہلاک
پریس ریلیز میں کہا گیا کہ 'تمام 2348 مسافر محفوظ ہیں۔ کوئی زخمی نہیں ہوا۔ ڈویژنل ریلوے منیجر (ڈی آر ایم)، بنگلورو شیام سنگھ سمیت افسران کی ایک ٹیم ایک ڈاکٹر کے ساتھ فوری طور پر موقع پر پہنچ گئی۔
ایکسیڈنٹ ریلیف ٹرین (اے آر ٹی) اور طبی آلات کی وین ٹیم بھی موقع پر پہنچ گئی۔
