قومی دارالحکومت دہلی کے تبلیغی مركز نظام الدین میں تبلیغی جماعت کے پروگرام سے حصہ لے کر واپس ہونے والے تمل ناڈو کے 74 افراد میں کوروناوائرس (كووڈ -19) کا انفیکشن پایا گیا ہے۔
اس کے علاوہ کسی دوسرے شخص کے اس وائرس سے متاثر پائے جانے سے ریاست میں آج اس وبا کے 75 نئے معاملے درج کیے گئے ہیں۔
واضح رہے کہ ریاست میں ایک دن میں 75 نئے کیس ایک دن میں کوروناوائرس کے متاثرین کی دوسری سب سے بڑی تعداد ہے۔
اس سے پہلے بدھ کو ایک دن میں 110 لوگوں میں کوروناوائرس کا انفیکشن پایا گیا تھا۔
ریاست میں کورونا متاثرین کی کل تعداد 309 ہوگئی ہے، اور اس معاملے میں یہ ملک بھر میں مہاراشٹر کے بعد دوسرے نمبر پر آگیا ہے، تاہم مہاراشٹر میں متاثرین کی تعداد 400 کے زیادہ ہوگئی ہے۔
صحت سیکرٹری محترمہ بیلا راجیش نے نامہ نگاروں کو بتایا کہ ریاست میں تبلیغی جماعت سے واپس آئے کل 264 افراد میں کورونا مثبت پائے گئے ہیں۔
انہوں نے بتایا کہ جماعت میں شامل ہوکر لوٹے تمام 1103 لوگوں کی جانچ کی گئی ہے، جن میں سے کچھ لوگوں کی رپورٹ آنی باقی ہے۔
ان لوگوں کے خاندان جن علاقوں میں رہ رہے تھے، ان علاقوں کو کنٹرول علاقے کے تحت لایا گیا ہے۔
ان خاندانوں کے گھروں سے سات کلو میٹر کے دائرے کو نشان زد کیا جائے گا اور اس میں آنے والے ہر گھر میں رہنے والوں کی جانچ کی جائے گی۔
انہوں نے بتایا کہ کل 86،342 لوگ ہوم كوارٹین میں ہیں، جبکہ 90 افراد سرکاری ہسپتالز میں كوارٹین کیے گئے ہیں۔
کل 4070 لوگوں نے 28 دن کی كوارٹین مدت مکمل کرلی ہے، تاہم ریاست میں 17 ٹیسٹنگ لیبارٹریز ہیں اور ایک ہفتے میں چھ نئی لیبارٹریز میں جانچ شروع کی جائے گی۔
