ایسا پہلی بار دیکھنے کو ملا ہے کہ سرینگر میں خاتون سی آر پی ایف اہلکاروں کو سکیورٹی کے فرائض انجام دینے کے لئے تعینات کیا گیا ہو۔ جنگی یونیفارم میں ملبوس، ہاتھوں میں بندوق لئے مذکورہ خاتون پولیس اہلکار کوٹھی باغ پولیس اسٹیشن کے علاقے میں دیکھی گئیں ہیں۔ کوٹھی باغ علاقے لال چوک کا حصہ ہیں اور اس کے آس پاس کے تجارتی مراکز واقع ہیں سی آر پی ایف کی 232 بٹالین سے وابستہ ان خاتون سی آر پی ایف پولیس اہلکاروں کو امن و امان کو برقرار رکھنے اور سکیورٹی عمل کو مزید مضبوط کرنے کے غرض سے تعینات کیا گیا تھا۔
خیال رہے کہ خاتون سی آر پی ایف اہلکار اصل میں امرناتھ یاترا کے سیکیورٹی انتظامات کے لئے وادی پہنچ گئیں تھیں تاہم جو وبائی مرض کووڈ 19 کی وجہ سے آخری لمحے میں امرناتھ یاترا منسوخ کردی گئیں۔
دریں اثناء جمعہ کے روز نوگام کے علاقے میں عسکریت پسندوں کے حملے کے نتیجے میں سری نگر شہر اور یوم آزادی کی تقریبات کے لئے اس کے آس پاس والے علاقوں میں سیکیورٹی کے سخت انتظامات کیے گئے تھے۔
حکام نے بتایا کہ سکیورٹی فورسز نے شیر کشمیر کرکٹ اسٹیڈیم کی طرف جانے والے تمام داخلی راستوں کو سیل کردیا تھا۔ انہوں نے بتایا کہ پولیس اور دیگر سکیورٹی اہلکار شہر کی متعدد جگہوں پر بلند و بالا عمارتوں پر تعینات تھے تاکہ کسی بھی مشکوک حرکت پر نگاہ رکھی جاسکے۔
