سرینگر: جموں و کشمیر اور لداخ ہائی کورٹ نے بین الاقوامی اہمیت کے حامل سات ویٹ لینڈز (آبی پناہ گاہوں) کو رامسر سائٹس نامزد کرنے کے حوالے سے ان (آبی پناہ گاہوں) کے بارے میں انتظامیہ سے تفصیلی اسٹیٹس رپورٹ طلب کی ہے۔ Detailed Report on JK Wetlands sought from Administration
چیف جسٹس پنکج متل اور جسٹس پونیت گپتا کی ڈویژن بنچ کا کہنا ہے کہ ’’رامسر سائٹس آبی پناہ گاہوں پر توجہ مرکوز کرنے کے لیے، ہم جموں و کشمیر انتظامیہ سے مطالبہ کرتے ہیں کہ وہ ان (آبی پناہ گاہوں) کے موجودہ اسٹیٹس کے بارے میں صفائی پیش کرے اور ان تمام سائٹس کے بارے میں چھ ہفتوں کے اندر مکمل رپورٹ پیش کرے۔‘‘ Ramsar Sites in J&K and Ladakh
ایک مفاد عامہ کی عرضی پر سماعت کرتے ہوئے بنچ نے اسسٹنٹ سالیسٹر جنرل آف انڈیا - ٹی ایم شمسی، جو سیکریٹری، وزارت ماحولیات، جنگلات اور موسمیات کی تبدیلی کی نمائندگی کرتے ہیں - سے بھی آبی پناہ گاہوں کے سلسلے میں ایکشن ٹیکن رپورٹ (اے ٹی آر) طلب کی ہے۔ ہائی کورٹ کی جانب سے یہ ہدایات اس وقت سامنے آئیں جب وکیل ندیم قادری - جو amicus curiaeکیس میں عدالت کی معاونت کر رہے ہیں - نے کہا کہ جموں و کشمیر اور لداخ کے مزید تین آبی پناہ گاہوں کو حال ہی میں بین الاقوامی اہمیت کا حامل تسلیم کیا گیا ہے اور رامسر کنونشن آن ویٹ لینڈز کے تحت ان تینوں پناہگاہوں کو رامسر سائٹس تسلیم کر لیا گیا۔ Wetlands of Jammu and Kashmir and ladakh
