ایک پولیس عہدیدار نے کہا کہ پولیس موجودہ حالات میں کام کرنے والے ڈاکٹرز اور دیگر طبی عملے کی قدر و عزت کرتی ہے۔
انہوں نے بتایا کہ ڈاکٹرز میں پھول تقسیم کرنے کا مقصد میڈیکل برادری میں یہ پیغام بھیجنا ہے کہ پولیس لوگوں کی ہر لحاظ سے خدمت اور ڈاکٹروں و دیگر طبی عملے کے تحفظ کو یقینی بنانے کے لیے تیار ہے۔
انہوں نے کہا کہ یہ لوگ اپنی جان خطرے میں ڈال کر لوگوں کی خدمت کرتے ہیں جس کے لئے یہ مبارک بادی کے مستحق ہیں۔
انہوں نے کہا کہ پولیس کورونا کے خلاف محو جنگ ڈاکٹروں کی کافی عزت وقدر کرتی ہے اور ہم اس وبا کے خلاف جاری جنگ میں ایک ہیں۔ انہوں نے مزید کہا کہ ہم ڈاکٹروں اور نیم طبی عملے کے کام کو سراہتے ہیں۔ ہم ان سے کہنا چاہتے ہیں کہ ہم ان کے شانہ بشانہ کھڑے ہیں۔
دریں اثنا پولیس کی طرف سے ڈاکٹروں میں پھول تقسیم کرنے کی اس پہل کو عوام و خواص کی طرف سے سراہا جارہا ہے۔ وادی میں گزشتہ دنوں کے دوران پولیس کی طرف سے ڈاکٹرز کے ساتھ مبینہ زیادتیوں کے واقعات رونما ہوئے جس کے خلاف ڈاکٹرز نے احتجاج بھی کیا تھا۔
