سری نگر میں آتشزدگی سے ایک ہی گھر کی تین افراد ہلاک

سری نگر کے خانیار علاقے میں جمعہ اور سنیچر کی درمیانی رات کے دوران آگ لگنے سے ایک ہی گھر کے تین لوگ زندہ جل گئے جن میں ایک تین سالہ بچی بھی شامل ہے-

بتادیں کہ جمعہ اور سنیچر کی درمیانی شب کے دوران خانیار کے شیشگری محلے میں جاوید احمد نامی کے گھر میں آگ لگ گئی جس کی زد میں مذکورہ خاندان کے تین افراد زندہ جل گئے جن میں میاں بیوی اور ان کی تین سالہ بچی شامل ہے-

پولیس نے اس سلسلے میں ایک کیس درج کیا ہے اور مزید آگ لگنے کی اصل وجہ اور اس سے جڑی مزید تحقیق شروع کردی ہے- مرنے والوں کی پہچان جاوید احمد ان کی بیوی صوفیہ اور تین سالہ بیٹی حفصہ ساکنہ شیشگری محلہ خانیار سرینگر کے بطور بتائی جارہی ہے-

پولیس نے تینوں کی لاشیں برآمد کی ہے اور مزید تحقیق شروع کی ہے۔