سرینگر: سپر اسپیشلٹی ہسپتال شرین باغ سرینگر میں اہم پیش رفت کے طور پر اگلے ماہ سے گردوں کی پیوندکاری کے لیے سرجریز کی خدمات شروع ہونے والی ہیں۔ اس حوالے سے ہسپتال میں تمام تیاریاں مکمل کر لی گئی ہیں۔Kidney Transplants in Super Speciality Hospital Srinagar
ایسے میں اسکمز صورہ کے بعد سُپر اسپیشلیٹی ہسپتال شرین باغ وادی کا ایسا دوسرا ہسپتال بن گیا جہاں مریضوں کو گردوں کی پیوندکاری کی سہولیات و خدمات میسر ہوں گی۔ ہسپتال انتظامیہ نے متعلقہ شعبے کو جراحی عمل انجام دینے کے لیے تمام بنیادی سہولیات دستیاب کی ہیں۔ ہسپتال انتظامیہ کے مطابق مریضوں کی پیوندکاری کرنے کے لیے سرجریز عمل میں لانے اور مریضوں کا رجسٹریشن کرانے کی منظوری گزشتہ برس ستمبر میں ہی مل گئی تھی جوکہ سرکار کی جانب سے نامزد اختیاری کمیٹی نے دے دی تھی۔
مزید پڑھیں:
ہسپتال میں مزکورہ سرجریز کو انجام دینے کی خاطر 15 رکنی ماہر ڈاکٹروں پر مبنی ایک ٹیم تشکیل دی گئی ہے ۔ ٹیم کو مشہور جلسوک ہسپتال اینڈ ریسرچ ممبئی کے پروفیسر شیلیش رینہ کی رہنمائی حاصل ہوگی۔ واضح رہے کہ مریضوں کی گرودوں کی پیوندکاری کی یہ سرجریز آیوشمان بھارت اسکیم کے تحت انجام دی جائے گی۔
