جموں و کشمیر کی گرمائی دارالحکومت سرینگر کے علاقہ شہر خاص میں موجود 700 سالہ تاریخی پتھر مسجد آثار قدیمہ کی عدم توجہ کی شکار ہے۔
آثار قدیمہ کی نظر اس مسجد پر نہ ہونے ہونے کی وجہ سے یہ خستہ حالت میں ہے، لوگوں نے آج نماز جمعہ کے بعد مسجد کے احاطے میں محکمہ آثار قدیمہ کے خلاف جم کر احتجاج کیا۔
لوگوں کا کہنا ہے کہ شہر سرینگر میں موجود 700 سالہ پرانی تاریخی پتھر مسجد کو آثار قدیمہ نے کئی سالوں سے نظر انداز کیا ہے۔ جس کی وجہ سے مسجد دن بہ دن بوسیدہ ہوتی جارہی ہے۔
یہ بھی پڑھیے
شوپیان تصادم کے فرضی ہونے کی ایک اور تصدیق
مقامی لوگوں نے مذکورہ محکمہ کے خلاف جم کر احتجاج کیا، لوگوں نے محکمہ پہ الزام عائد کرتے ہوئے کہا 'کئی بار متعلقہ افسران سے مسجد کی بحالی کی اپیل کرنے کے باوجود بھی محکمہ کو ٹس سے مس نہیں'۔
ای ٹی وی بھارت سے بات کرتے ہوئے گلزار احمد بابا نے متعلقہ اعلیٰ افسران سے اپیل کی کہ مسجد کو بوسیدہ ہونے سے بچایا جائے۔
