سرینگر: اطلاع کے مطابق پولیس اور سول انتظامیہ نے کھنموہ سرینگر کے انڑسٹریل فیز دوم میں زینب نام سے چلائی جارہی فیکٹری کو سربمہر کر دیا ہے۔ بتایا جارہا ہے کہ یہ فیکٹری غیر قانونی طور پر بٸیر تیار کر رہی تھی۔ ذرائع کے مطابق ایک مصدق اطلاع ملنے پر ایس ڈی پی او پانتھ چوک اور ایس ایچ او پانتھ چوک کی نگرانی میں محکمہ ایکسائز، محکمہ ریونیو اور محکمہ خوراک کے اہلکاروں نے مذکورہ فیکٹری پر چھاپہ مارا اور وہاں سے غیر قانونی طور بنائی جا رہی بٸیر کو ضبط کر لیا۔
پولیس کے مطابق تلاشی کے دوران فیکٹری سے بڑی مقدار میں بیئر کی بوتلیں برآمد ہوئیں اور جنہیں متعلقہ اہلکاروں نے موقع پر ہی قبضے میں لے لیا۔ پولیس نے مینوفیکچرنگ کے عمل میں استعمال ہونے والی مشین بھی ضبط کر لی ہے۔ اس سلسلے میں پانتھ چوک تھانے میں ایف آئی آر نمبر 64/2022 انڈر سکیشن 420,465,468 اور ایکسائز ایکٹ 50 کے تحت مقدمہ درج کر کے تفتیش شروع کر دی گئی ہے۔ Factory Sealed in Srinagar
مزید پڑھیں:
