سری نگر: دریائے جہلم سے معمر خاتون کی لاش بر آمد

دریائے جہلم سے ایک عمر رسیدہ خاتون کی لاش برآمد ہونے کے بعد پولیس نے لاش کو اپنی تحویل میں لے لیا۔

سری نگر کے نوا کدل علاقے میں جمعرات کی صبح دریائے جہلم سے ایک عمر رسیدہ خاتون کی لاش برآمد کی گئی۔

سرکاری ذرائع نے بتایا کہ نواکدل علاقے میں جمعرات کی صبح مقامی لوگوں نے دریائے جہلم میں ایک عمر رسیدہ خاتون کی لاش دیکھی اور فوری طور پر پولیس کو مطلع کیا۔

انہوں نے کہا کہ اطلاع موصول ہوتے ہی پولیس کی ایک ٹیم موقع پر پہنچی اور لاش کو اپنی تحویل میں لے لیا۔

ان کا مزید کہنا تھا کہ لاش کی شناخت معلوم کی جارہی ہے۔