سرینگر کے رہنے والے نوجوان آرٹسٹ کو گزشتہ روز فلسطین کی حمایت میں ایک گرافیتی بنانے کی پاداش میں گرفتار کیا گیا تھا، تاہم آج انہیں رہا کر دیا گیا۔
ادھر مدثر گل کے اہل خانہ بشمول ان کی والدہ نے ان کی رہائی پر ان کا والہانہ استقبال کیا۔ سرینگر کے پادشاہی باغ کے رہنے والے مدثر گل ایک 32 سالہ نوجوان آرٹسٹ ہیں، جنہوں نے فلسطین کی حمایت میں ایک گرافیتی بنائی تھی۔
گل کی جانب سے بنائی گئی گرافیتی میں ایک فلسطینی بزرگ خاتون کو دکھایا گیا تھا۔ اس گرافیتی کو بعد میں انتظامیہ نے مٹا دیا تھا۔ انہوں نے فلسطین میں اسرائیل کی جانب سے کی جارہی کارروائی کے خلاف گرافیتی بنائی تھی جس کے بعد مدثر گل کو پولیس نے گرفتار کیا تھا۔ اُنہوں نے فلسطین کے حوالے سے ایک گرافیتی بنائی تھی۔ ان کے ساتھ فلسطین کے حق میں احتجاج کرنے والے مزید 19 افراد کو احتیاطی طور پر گرفتار کیا گیا تھا۔
