کسی لیڈر کے جانے سے پارٹی کو کوئی فرق نہیں پڑا: رجنی پاٹل

آل انڈیا کانگریس کمیٹی کی جموں و کشمیر انچارج رجنی پاٹل خطے کے پانچ روزہ دورے پر آئی ہوئی ہیں۔ اس دوران وہ تمام اضلاع میں کارکنان سے ملاقات کریں گی-

آل انڈیا کانگریس کمیٹی کی جموں و کشمیر انچارج رجنی پاٹل نے کہا کہ کانگریس پارٹی ایک نظریہ ہے اور کسی لیڈر کے نکلنے سے اس پارٹی کو کوئی فرق نہیں پڑا ہے۔

سرینگر میں پارٹی دفتر پر ایک تقریب کے بعد رجنی پاٹل نے بتایا 'کانگریس ایک بہت بڑی پارٹی ہے۔ جس میں لوگ پارٹی کی آڈیولاجی کے پیروکار ہوتے ہیں اور کسی لیڈر کے نکلنے سے کوئی فرق نہیں پڑتا ہے'-

قابل ذکر ہے کہ رجنی پاٹل خطے کے پانچ روزہ دورے پر آئی ہوئی ہیں۔ اس دوران وہ تمام اضلاع میں کارکنان سے ملاقات کریں گی-

غلام نبی آزاد کی جموں و دہلی میں پارٹی مخالف سرگرمیوں اور بیانات پر بات کرتے ہوئے رجنی پاٹل نے کہا 'انکے موجودہ دورے کو آزاد کی سرگرمیوں سے منسلک نہیں کیا جانا چاہیے'-

انکا کہنا ہے کہ یہ دورہ پہلے ہی طے ہوا تھا لیکن سرما کی وجہ سے اس میں تاخیر ہوئی- رجنی پاٹل نے آج جنوبی کشمیر کے ضلع پلوامہ کا دورہ کیا۔ جہاں انہوں نے پارٹی کارکنان سے خطاب کیا-

رجنی پاٹل چند روز سے وادی کے مختلف اضلاع کا دورہ کر رہی ہیں اور اس کے بعد وہ جموں صوبے کا دورے کریں گی۔ جہاں وہ بڑھتی مہنگائی پر بی جے پی حکومت کے خلاف احتجاج کی قیادت کریں گی-