Omar Abdullah on Social Media دورجدید میں وسیع استعمال کی وجہ سے ذرائع ابلاغ اور سماجی رابطہ انتہائی اہمیت کے حامل، عمر عبداللہ

این سی کے نائب صدر عمر عبداللہ نے کہا کہ موجودہ دور میں جب حکومتی سطح پر عوام کا کوئی پُرسانِ حال نہیں، تو ہم سوشل میڈیا کے ذریعے لوگوں کے مسائل و مشکلات بھرپور انداز میں اُجاگر کرکے حکومت کو ان کا سدباب کرانے کیلئے مجبور کراسکتے ہیں۔

سرینگر: عوام کیساتھ براہ راست رابطے کا کوئی بھی نعم البدل نہیں ہوسکتا تاہم دورِ جدید کے تقاضوں کو ملحوظ نظر رکھتے ہوئے میڈیا اور سوشل میڈیا کی اہمیت اور افادیت کو سمجھ کر اپنی تنظیم کے سنہرے ماضی ،تابناک مستقبل،تاریخی و انقلابی اقدامات اور مستقبل کے منشور کو عوام تک بہ آسانی اور موثر طریقے سے پہنچایا جا سکتا ہے۔ان باتوں کااظہار نیشنل کانفرنس کے نائب صدر عمر عبداللہ نے پیر کو پارٹی کی میڈیا اور کمیونیکیشن ونگ کیساتھ ایک اجلاس سے خطاب کرتے ہوئے کیا۔

• JKNC Media and Communication Wing kicks off its first interactive session with Kashmir Province's Constituency media in-charges. The Party's Vice President, @OmarAbdullah, actively engaged and addressed the meeting. The session was convened and moderated by Party’s Chief… pic.twitter.com/OF1HHPMqiq

  — JKNC (@JKNC_) August 7, 2023 " class="align-text-top noRightClick twitterSection" data="

  JKNC Media and Communication Wing kicks off its first interactive session with Kashmir Province's Constituency media in-charges. The Party's Vice President, @OmarAbdullah, actively engaged and addressed the meeting. The session was convened and moderated by Party’s Chief… pic.twitter.com/OF1HHPMqiq

  — JKNC (@JKNC_) August 7, 2023

  ">

  JKNC Media and Communication Wing kicks off its first interactive session with Kashmir Province's Constituency media in-charges. The Party's Vice President, @OmarAbdullah, actively engaged and addressed the meeting. The session was convened and moderated by Party’s Chief… pic.twitter.com/OF1HHPMqiq

  — JKNC (@JKNC_) August 7, 2023

عمر عبداللہ نے اجلاس سے خطاب کرتے ہوئے کہا کہ میڈیا اور سوشل میڈیا دورِ جدید میں اپنے وسیع استعمال کی وجہ سے نہایت اہمیت کا حامل ہے اور ایک مضبوط ترین پلیٹ فارم کے طور پر اُبھر کر سامنے آیا ہے ۔موجودہ دور میں جب حکومتی سطح پر عوام کا کوئی پُرسانِ حال نہیں ہم سوشل میڈیا کے ذریعے لوگوں کے مسائل و مشکلات بھر پور انداز میں اُجاگر کرکے حکومت کو ان کا سدباب کرانے کیلئے مجبور کراسکتے ہیں۔

انہوں نے کہا کہ نیشنل کانفرنس جموں وکشمیر کے عوام کے حقوق کی بحالی کی جدوجہد میں مصروف عمل ہے اور سوشل میڈیا کے ذریعے بھی اس جدوجہد کو دوام بخشا جاسکتا ہے اور ملک کے عوام خصوصاً صحیح سوچ رکھنے والی آبادی تک اپنی بات پہنچا سکتے ہیں۔ اس کے علاوہ ہمیں سوشل میڈیا پر پھیلائے جارہے منفی اور پروپیگنڈا کا توڑ کرنے کیلئے بھی مستعد رہنا ہوگا۔

عمر عبداللہ نے کہا کہ نیشنل کانفرنس کی تحریک، تاریخ اور ایجنڈا کو عوام تک پہنچانا ضروری ہے اور ساتھ ہی جموں وکشمیر کے عوام کو شخصی راج کی غلامی سے نجات دلانے، زرعی اصلاحات کے تحت بلامعاوضہ 51 لاکھ کنال اراضی کی تقسیم، مفت تعلیم، مفت طبی سہولیات، تعلیم نسواں، جمہوری اور آئینی اداروں کا قیام ، اٹانومی مسودہ ،انقلابی تعمیرو ترقی کے کاموں کے علاوہ نیا کشمیر ایجنڈا کو حقائق کیساتھ عوام تک پہنچانا لازمی ہے۔

(یو این آئی)