میٹنگ کے دوران جنید متو نے سرینگر میونسپل کارپوریشن کی جانب سے شروع کردہ مختلف اقدامات کے بارے میں لیفٹیننٹ گورنر کو آگاہ کیا۔
انہوں نے لیفٹیننٹ گورنر کو ایس ایم سی میں مین پاؤر اور مکینیکل انفراسٹرکچر کو بڑھانے، ٹرانسپورٹ کو مضبوط اور اپ گریڈ کے علاوہ میونسپل کارپوریٹرز کے لیے سیکیورٹی اور محفوظ رہائش اور ان کے دیگر فلاحی امور سے بھی آگاہ کیا۔
لیفٹیننٹ گورنر نے میئر سے بات چیت کرتے ہوئے یقین دلایا کہ ان کے پیش کردہ تمام جائز مسائل پر حل کیا جائے گا۔
کپواڑہ میں حاملہ خاتون کو چارپائی پر پہنچایا گیا اسپتال
عوام کو بہتر عوامی خدمات کی فراہمی کے لیے لیفٹیننٹ گورنر نے میئر سے کہا کہ وہ کارپوریشن کے کام میں مستقل بہتری لانے کے لیے تمام مطلوبہ اقدامات کرے۔ انہوں نے عوام کو بنیادی شہری سہولیات کی فراہمی کو چوبیس گھنٹے یقینی بنانے پر بھی خصوصی زور دیا۔
لیفٹیننٹ گورنر نے کہا حکومت جموں و کشمیر میں جمہوری نظام کے نچلی سطح کے اداروں کو بااختیار بنانے کے علاوہ عوامی نمائندوں کی فلاح و بہبود کے لیے پُرعزم ہے۔
