سکیورٹی فورسز کی جانب سے بجلی بل ادا نہیں کیا گیا

انسانی حقوق کے کارکن اور صحافی مبشر شجاع کی جانب سے دائر کی گئی آر ٹی آئی کے جواب میں انتظامیہ کہا ہے کہ 'گذشتہ برس نومبر مہینے کے آخر تک سیکیورٹی فورسز پر کل 427.37 کروڑ روپے بطور بجلی بل واجب الادا ہے۔

مرکز کے زیر انتظام جموں و کشمیر میں سیکیورٹی فورسز کے پاس 427 کروڑ روپے بجلی بل کی رقم واجب الادا ہے۔ بھارتیہ فوج، سی آر پی ایف، بی اس ایف بجلی بل کی ادائیگی میں ناکام ہو رہے ہیں اور اس کا بوجھ براہ راست عام صارفین کو اٹھانا پڑتا ہے۔

لائٹ بل

انسانی حقوق کے کارکن اور صحافی مبشر شجاع کی جانب سے دائر کی گئی آر ٹی آئی کے جواب میں انتظامیہ کہا ہے کہ 'گذشتہ برس نومبر مہینے کے آخر تک سیکیورٹی فورسز پر کل 427.37 کروڑ روپے بطور بجلی بل واجب الادا ہے۔

اس رقم میں سے بھارتی فوج کے پاس 93.76 کروڑ روپے، بارڈر سیکوٹی فورس کے پاس 5.82 کروڑ روپے، سینٹرل ریزرو پولیس فورس کے پاس 120.85 کروڑ روپے اور پولیس کے پاس 206.94 کروڑ روپے بقایا ہیں۔'

آر ٹی آئی کے جواب میں مزید کہا گیا ہے کہ 'درجنوں سرکاری محکموں کے پاس بھی تقریباً ایک ہزار کروڑ روپے کی رقم بقایا ہے۔

ان محکموں میں، محکمہ زرعی پیدوار کے پاس 4 کروڑ 77 لاکھ، محکمہ انیمل اینڈ شیپ ہسبنڈری کے پاس 4 کروڑ 26 لاکھ، محکمہ شہری رسدات امور صارفین و عوامی تقسیم کاری کے پاس 61 لاکھ، محکمہ ثقافت کے پاس 18 لاکھ، محکمہ تعلیم کے پاس 13 کروڑ ایک لاکھ، محکمہ الیکشن کے پاس 54 لاکھ اور محکمہ ایسٹیٹس کے پاس 5 کروڑ 88 لاکھ روپے واجب الادا ہیں۔'

'اس کے مزید محکمہ خزانہ کے پاس ایک کروڑ 66 لاکھ، محکمہ ماہی گیری کے پاس ایک کروڑ 48 لاکھ، محکمہ پھولبانی کے پاس 2 کروڑ 30 لاکھ، محکمہ جنگلات کے پاس 6 کروڑ 19 لاکھ، محکمہ عمومی انتظامی کے پاس 28 لاکھ اور جیالوجی اینڈ مائننگ کے پاس 17 لاکھ کے علاوہ محکمہ تعمیرات عامہ کے پاس 17 کروڑ روپے کی فیس بقایا ہے۔'

ان دستاویز کے مطابق محکمہ صحت و طبی تعلیم کے پاس 75 کروڑ 42 لاکھ، محکمہ اعلیٰ تعلیم کے پاس 5 کروڑ 27 لاکھ، محکمہ باغبانی کے پاس 89 لاکھ، محکمہ تواضع کے پاس 5 کروڑ 57 لاکھ، محکمہ مکانات و شہری ترقی کے پاس 106 کروڑ 36 لاکھ روپے، محکمہ صنعت و حرفت کے پاس 11 کروڑ 53 لاکھ، محکمہ اطلاعات کے پاس ایک کروڑ 48 لاکھ، محکمہ آبپاشی و فلڈ کنٹرول کے پاس سب سے زیادہ 415 کروڑ 56 لاکھ، جموں و کشمیر سیمنٹس کے پاس 18 کروڑ 28 لاکھ، جموں و کشمیر پروجیکٹس کنسٹریکشن کارپوریشن کے پاس 2 کروڑ 99 لاکھ، محکمہ محنت و روزگار کے پاس 39 لاکھ، محکمہ قانون، انصاف و پارلیمانی امور کے پاس 2 کروڑ 53 لاکھ، محکمہ منصوبہ بندی و ترقی کے پاس ایک کروڑ 25 لاکھ، محکمہ پوسٹ اینڈ ٹیلی گراف کے پاس 3 کروڑ 11 لاکھ کی رقم واجب الادا ہے۔

ای ٹی وی بھارت نے اس حولے سے محکمے بجلی کے اعلی افسران سے رابطہ کیا تاہم اب تک اُن کی جانب سے کوئی جواب موصول نہیں ہوا ہے۔