ریاستی الیکشن کمشنر (ایس ای سی) کے کے شرما نے کہا کہ جموں و کشمیر کے وسطی علاقوں میں ضلعی ترقیاتی کونسل (ڈی ڈی سی) اور پنچایت ضمنی انتخابات کے ہموار انعقاد کے لئے وسیع پیمانے پر اقدامات اٹھائے گئے ہیں۔
ایس ای سی مختلف سیاسی جماعتوں کے نمائندوں کے ساتھ بات چیت کر رہے تھے۔ چیف الیکٹورل آفیسر ہردیش کمار، جوائنٹ چیف انتخابی افسر اور دیگر اور دیگر سینئر افسران بھی موجود تھے۔
ایس ای سی نے سیاسی جماعتوں کے مطالبات اور مشوروں کا جواب دیتے ہوئے انہیں یقین دلایا کہ ان کا جائزہ لیا جائے گا اور ان کا مناسب تدارک کیا جائے گا۔
انہوں نے کہا کہ انہیں آئندہ انتخابات میں بھی بھرپور طریقے سے حصہ لینا چاہئے جو جمہوری نظام کو مزید مستحکم کرنے کے علاوہ زمینی سطح تک گورننس کو بھی لے جانے میں کارگر ہوگا۔
