مسٹر سنگھ نے قومی دارالحکومت میں چانکیہ پوری میں واقع نیشنل پولیس میموریل میں شہدا کو خراج عقیدت پیش کرنے کے بعد صحافیوں کو بتایا، 'حالیہ دنوں میں ، سیکیورٹی فورسز نے جموں و کشمیر میں عسکریت پسندوں کے حملوں کی متعدد کوششوں کو مؤثر طریقے سے ناکام بنا دیا ہے'
انہوں نے کہا کہ پلوامہ حملے میں براہ راست یا بلاواسطہ ملوث تمام عسکریت پسند مارے جاچکے ہیں۔ انہوں نے کہا کہ جموں وکشمیر نے عسکریت پسندی کے خلاف جنگ میں ہر طرح سے تعاون کیا ہے اور اسے مزید جاری رکھا جائے گا۔ انہوں نے کہا کہ جموں وکشمیر پولیس ہمارے عظیم ملک کی خودمختاری اور سالمیت کے لیے ہر طرح سے کھڑی ہوگی۔
انہوں نے کہا: ’’حالیہ مہینوں میں جنگ بندی کی خلاف ورزیوں اور دراندازی کی کوششیں ہوئیں۔ ہماری سیکیورٹی فورسز جموں و کشمیر میں دہشت گردانہ سرگرمیوں کو کم کرنے اور امن و امان میں رکاوٹ ڈالنے والے عناصر کے خاتمے کے لئے تمام تر کوششیں کر رہی ہیں۔
