راج بھاشا پروگرام کے تحت ڈائریکٹر آف لینگویجز سنیتا شرما نے اینآئی ٹی کا دورہ کیا اور اس کے ڈائریکٹر پروفیسر راکیش سیگل نے انہیں ہندی زبان کو لاگو کرنے کی تیاریوں سے آگاہ کیا۔
ڈائریکٹر راکیش سیگل نے بتایا کہ این آئی ٹی میں اساتذہ اور دیگر عملے کو ہندی سکھانے کی تیاریاں مکمل ہوچکی ہیں۔ ہندی زبان کے لیے سافٹ ویئر کی مدد سے عملے کو اس زبان سے واقف کرایا جائے گا-
ڈائریکٹر نے بتایا کہ این آئی ٹی میں علیٰحدہ ہندی سیل قائم کی گئی ہے اس کے علاوہ تمام سائن بورڈ، اسٹیمپ اور دیگر مواد ہندی زبان میں ہی دستیاب ہوں گے۔
انہوں نے کہا کہ ہندی ہماری قومی زبان ہے اس لیے اس کے اطلاق کو اس تعلیمی ادارے میں رائج کرنے میں اساتذہ اور دیگر عملے نے اچھی دلچسپی دکھائی ہے۔
واضح رہے کہ این آئی ٹی جموں و کشمیر کا پہلا ادارہ ہوگا جہاں ہندی زبان دفتری و دیگر ضرورت کے لیے استعمال میں لائی جائی گی۔
