سرینگر کے پولو ویو مارکیٹ Polo View Market of Srinagar کے دکانداروں نے پارکنگ کی جگہ کے لیے مظاہرہ کیا اور بطور احتجاج اپنی دکانوں کے شیٹر نیچے کیے۔ انہوں نے سڑک پر دھرنا بھی دیا اور ٹریفک کی نقل وحمل روک دی۔
دکانداروں نے بطوراحتجاج اپنی دکانوں کے شیٹر نیچے کیے
انہوں نے کہا کہ 'ہمیں بتایا گیا کہ اسمارٹ سٹی پروجیکٹ Smart City Project کے تحت یہ جگہ سڑک کے لیے استعمال کی جائے گی'۔ ان کا کہنا تھا کہ ہم شہر کی خوبصورتی کے خلاف نہیں ہیں، لیکن ہمارے کاروبار کے تعلق سے بھی تو سوچا جائے، ہم کاروباری لوگ ہیں یہاں ہر وقت لوگوں کا آنا جانا لگا رہتا ہے، اگر یہاں سے پارکنگ کو ختم کیا گیا تو پھر ہمیں کافی نقصان اٹھانا پڑسکتا ہے، ہمیں یہاں پارکنگ کی اشد ضرورت ہے۔
پارکنگ کی عدم دستیابی کے سبب ان کے کاروبار پر اثر پڑے گا، کوئی گاہک ہمارے پاس نہیں آتا ہے کیوں کہ یہاں پارکنگ سہولیت دستیاب نہیں ہے۔ حکام کا کہنا ہے کہ یہاں پارکنگ کے لئے معقول جگہ دستیاب ہے اور کئی پارکنگ جگہیں بھی ہیں۔
