اس ٹورنامنٹ کا افتتاح بھی ڈی جی پی نے کیا تھا جس میں ضلع بڈگام کی کل 18 ٹیموں نے حصہ لیا تھا۔ آج کھیلے گئے فائنل میچ میں بڈگام قصبے کی مقامی فورس ٹیم نے اس ٹورنامنٹ کا خطاب اپنے نام کیا۔
ڈی جی پی نے میڈیا سے کہا کہ اس ٹورنامنٹ کو منعقد کرانے کا مقصد تھا کہ نوجوانوں میں کووڈ-19 وبا کے سبب جو ذہنی مرض لاحق ہوا ہے اسے دور کرنا اور امن و امان کو فروغ دینا ہے۔
ایک سوال کے جواب میں ڈی جی پی نے مبینہ طورپر پاکستان پر الزام عائد کرتے ہوئے کہا کہ' وہ اپنے لوگوں کی مدد سے کشمیری نوجوانوں کو ورغلاتے ہیں جس سے وہ غلط راستہ اختیار کرتے ہیں'۔
انہوں نے کہاکہ' ہماری کوشش یہی ہے کہ ان کو واپس صحیح راستے پر لایا جائے جیسا کہ آپ نے دیکھا کہ حال ہی میں بڈگام میں ایک شخص نے خودسپردگی کی، وہیں شوپیان میں کئی افراد نے خود کو سیکورٹی فورسز کے حوالے کیا'۔
انہوں نے مزید کہاکہ' آگے بھی ہماری یہی کوشش جاری رہے گی تاکہ' ان بھٹکے نوجوانوں کو اپنے اہلِ خانہ کے ساتھ پھر سے عزت کے ساتھ زندگی گزارنے کا موقع ملے'۔
مزید پڑھیں:
'نئی نسل کو 22 اکتوبر کی حقیقت سے روبرو کرانا لازمی'
بعد میں ڈی جی پی نے کھلاڑیوں میں انعامات تقسیم کئے اور ان سے براہ راست بات چیت کی اور ان کو شاباشی دی، اس موقع پر ایس پی بڈگام، ڈی سی بڈگام، ایس ایچ او بڈگام کے علاوہ دیگر سول و پولیس کے افسران موجود تھے۔
