سرینگر: ڈویژنل کمشنر کشمیر، پی کے پولے نے بدھ کے روز کہا کہ ’’سرینگر کے عیدگاہ کو شہر خاص میں جدید ترین پلے گراؤنڈ کے طور پر تیار کیا جائے گا جس میں سائنسی بینادوں پر تیار کی گئی کم از کم 10 کرکٹ ٹرف ہوں گی جب کہ ایک فٹ بال گراؤنڈ کو بھی اپ گریڈ کیا جائے گا۔ وہیں پارک کو تمام تر جدید سہولیات سے لیس ایک اہم اور پرکشش مقام کے طور پر اپ گریڈ کیا جائے گا۔ Srinagar Eidgah To be developed as Play Ground
پی کے پولے کا کہنا ہے کہ ’’نوجوانوں کو دستیاب کھیلوں کی سہولیات کا جائزہ لینے کے لیے میں نے آج (عیدگاہ) علاقے کا دورہ کیا۔ میں نے عہدیداروں کو ہدایت کی کہ وہ علاقے میں نوجوانوں کے لیے کھیلوں کی مزید سہولیات پیدا کریں۔‘‘ غور طلب ہے کہ صوبائی کمشنر پی کے پولے کا یہ اعلان وقف بورڈ کی چیئرپرسن درخشاں اندرابی کے اُس بیان کے چند دن بعد آیا ہے جس میں انہوں نے کہا تھا کہ (وقف) بورڈ کی جانب سے عیدگاہ، سرینگر میں ایک کینسر ہسپتال تعمیر کیا جائے گا۔ PK Pole on Eidgah
کینسر اسپتال کی سہولیات کے حوالے سے پی کے پولے نے کہا کہ ’’آس پاس کے اسپتالوں خصوصاً اسکمز، صورہ اس اور اے ایمز کی وادی آمد نے پہلے ہی کینسر کے مریضوں کے علاج کی سہولیات کو کافی اپ گریڈ کیا ہے۔ اُن کا مزید کہنا تھا کہ ’’(عیدگاہ میں) پلے گرائونڈ سمیت پارک کو بھی تمام جدید سہولیات کے ساتھ ایک اہم پرکشش مقام کے طور پر اپ گریڈ کیا جائے گا۔‘‘Eidgah Srinagar Cancer Hospital or Playground
پی کے پول نے عیدگاہ کے حوالے سے وضاحت پیش کرتے ہوئے کہا کہ گراؤنڈ اتنا بڑا ہے کہ یہ سب کچھ ایڈجسٹ کر سکتا ہے۔ یہ 600 کنال سے زیادہ رقبہ والا وقف علاقہ ہے۔ اس کی لمبائی 7500 فٹ اور چوڑائی 2000 فٹ ہے۔ بورڈ اپنی منصوبہ بندی کے مطابق انسٹی ٹیوٹ بنا سکتا ہے۔ عارضی طور پر کچھ حصے کو مقامی لوگ کھیلنے کے لیے استعمال کرتے ہیں۔ جس میں سے ایک حصہ بچوں کے کھیلنے کے لیے بہتر بنایا جائے گا اور ملحقہ پارک کو بزرگ چہل قدمی کے لیے استعمال کرتے ہیں۔
فلوری کلچر ڈیپارٹمنٹ کے زیر انتظام اس پارک کو معمول کی دیکھ بھال کی ضرورت ہے جس کو کی کیا جائے گا۔ وقف بورڈ کو زمین کے استعمال کے بارے میں فیصلہ کرنا ہے، جس میں اس کی منصوبہ بندی کے مطابق کچھ حصے پر اسپتال بھی بن سکتا ہے۔ زمین کے وسیع رقبے کو مدنظر رکھتے ہوئے، اس میں سے کسی ایک کا بھی سوال نہیں ہو سکتا۔ یہ منصوبہ بندی کے مطابق سب کو ایڈجسٹ کر سکتا ہے۔
- مزید پڑھیں: Hospital to Be Built by Waqf Board سرینگر میں وقف بورڈ کی جانب سے کینسر ہسپتال تعمیر ہوگا، درخشاں اندرابی
واضح رہے کہ وقف چیئرپرسن کی جانب سے تاریخی عیدگاہ، سرینگر میں کینسر اسپتال تعمیر کیے جانے کے اعلان کے بعد وادی کشمیر کے مختلف طبقہ ہائے فکر سے وابستہ افراد خصوصاً شہر خاص کے نوجوانوں نے اس پر شدید ناراضگی کا اظہار کیا تھا۔ ایک جانب علماء نے محسن کشمیر میر محمد ہمدانیؒ کی جانب سے وقف کیے گئے عیدگاہ میں کینسر اسپتال تعمیر کرنے پر اعتراض کیا تھا۔
وہیں شہر خاص کے ناجوانوں کا کہنا تھا کہ اس اقدام سے نوجوان کھیل کود کی سرگرمیوں سے بھی محروم ہو جائیں گے۔ نوجوانوں کا کہنا تھا کہ ’’بڑھتی آبادی، تجاوزات کے سبب پہلے ہی کھیل کے میدان کم ہو چکے ہیں ایسے میں عیدگاہ، جسے نوجوان کھیل سرگرمیوں کے لئے استعمال میں لاتے ہیں، میں اسپتال کی تعمیر سے نوجوان ایک وسیع و عریض کھیل کے میدان سے محروم ہو جائیں گے۔ Eidgah Srinagar Issue
