پیپلز ڈیموکریٹک پارٹی نے ضلع ترقیاتی کونسل انتخابات میں پیپلز الائنس فار گپکار ڈیکلیریشن کی جانب سے متحدہ امیدواروں کی فہرست کے متعلق کہا ہے کہ نیشنل کانفرنس نے بیشتر حلقوں میں کافی امیدوار کھڑے کئے ہیں جس پر فاروق عبداللہ کو نظر ثانی کرنی چاہیے۔
'ضلع ترقیاتی کونسل سیٹوں پر امیدواروں پر پی ڈی پی متفق نہیں'
سرینگر میں پارٹی دفتر پر پی ڈی پی کے جنرل سکریٹری غلام نبی لون نے کہا کہ ضلع بڈگام میں امیدواروں کی فہرست میں نیشنل کانفرنس نے زیادہ امیدوار کھڑے کیے ہیں جس سے پی ڈی پی متفق نہیں ہے۔
انہوں مزید کہا کہ پی ڈی پی نوجوان لیڈر کی این آئی اے کی جانب سے گرفتاری جمہوریت پر دھبہ ہے اور انتخابات کے وقت ایسی کارروائی شک و شبہات کو جنم دے رہی ہے۔
ان کا کہنا تھا کہ اگر وحید پرہ نے کوئی غیر قانونی کام کیا ہے تو ان کو انتخابات کے دوران گرفتار کرنا کئی سوالات کھڑے کر رہا ہے۔
