تفصیلات کے مطابق سرینگر کی پریس کالونی کے باہر دوران ڈیوٹی معذور ہوئے محکمہ بجلی کے عارضی ملازمین نے احتجاج کے دوران کہا ہے کہ گزشتہ کئی ماہ سے تنخواہ واگزار نہیں کی گئی ہے جس کی وجہ سے وہ فاقہ کشی پر مجبور ہو گئے ہیں۔
دوران ڈیوٹی معذورہوئے ملازمین کا احتجاج
احتجاج میں مردوں کے علاوہ خواتین ملازمین نے شرکت کی اور اس دوران انتظامیہ کے خلاف نعرے بازی کی۔
احتجاجی مظاہرین ہاتھوں میں پلے کارڈز لیے ہوئے تھے جن پر 'ہماری مانگیں پوری کرو، 'وی وانٹ جسٹس'، 'تنخواہ واگزار کرو' جیسے نعرے درج تھے۔
یہ بھی پڑھیں: ’اردو کی اہمیت کو ختم کیا جارہا ہے‘
مظاہرین نے کہا کہ دوران ڈیوٹی جسمانی طور معذور ہوئے ملازمین کے لیے بحالی پالیسی مرتب کی جائے اور کام کر رہے عارضی ملازمین کو مستقل کیاجائے اور بقایا اجرتوں کا وگزار کیا جائے تاکہ ان کے افراد خانہ فاقہ کشی کا شکار نہ ہو۔
