اس ضمن میں ریجنل پاسپورٹ افسر سرینگر بی بی ناگر نے پاسپورٹ کے حصول کے لئے درخواستیں جمع کرنے والے افراد سے کہا ہے کہ وہ محکمہ کی ویب سائٹ پر اپنی اپائنٹمنٹ کو دوبارہ بک کریں۔
انہوں نے لوگوں سے کہا کہ وہ مقررہ تاریخ پر پاسپورٹ دفتر تشریف لاتے وقت تمام تر احتیاطی تدابیر پر عمل کریں۔
جن احتیاطی تدابیر کو عمل میں لانے کی تاکید کی گئی ہے ان میں آروگیا سیتو نامی موبائل ایپ کو ڈاؤن لوڈ کرنا، فیس ماسکس لگانا، دستانے پہننا، سماجی دوری کا خیال رکھنا اور سینیٹائزرس کا استعمال کرنا خاص طور پر شامل ہیں۔
موصوف افسر نے کہا ہے کہ لوگ پاسپورٹ کے بارے کسی بھی قسم کی معلومات حاصل کرنے یا کسی دوسرے متفرقہ کام کے لئے پاسپورٹ دفتر نہ آئیں بلکہ اس سلسلے میں ہم سے فون پر رابطہ کریں۔
انہوں نے لوگوں سے 0194-2500375 اور 2500374 پر رابطہ کرنے کو کہا ہے۔
