سرینگر میونسپل کارپوریشن میں اس سے قبل بھی کئی دفعہ کارپوریٹرس کی جانب سے اس طرح کے اقدامات کیے گئے ہیں اور حال ہی میں بذات خود سابق میئر جنید عظیم متو سے بھی اعتماد واپس لے کر انہیں ہٹایا گیا تاہم ذرائع کے مطابق اس دفعہ سابق میئر جنید عظیم متو کی سربراہی میں کارپوریٹرز کے ایک گروپ نے ڈپٹی میئر پرویز احمد قادری کے خلاف عدم اعتماد کی تحریک دائر کی ہے۔
یہ بھی پڑھیں:
جنید عظیم متو 'میئر سری نگر' کے عہدے سے ہاتھ دھو بیٹھے
قابل ذکر ہے کہ سرینگر میونسپل کارپوریشن کے میئر کا انتخاب 16 جولائی 2020 کو ہو رہا ہے جو پہلے 14 جولائی کو طے پایا تھا تاہم بعد میں اسے 16 جولائی کے لئے موخر کیا گیا-
اس حوالے سے قیاس آرائیاں کی جا رہی ہیں کہ گزشتہ دنوں بھارتیہ جنتا پارٹی کے قومی جنرل سیکرٹری رام مادھو نے پیپلز کانفرنس کے سجاد غنی لون سے ایک ملاقات کی ہے جس میں سرینگر میونسپل کارپوریشن کے انتخابات زیر بحث رہا ہے۔
