سول سروس امتحانات میں عمر میں رعایت ختم

مرکزی سرکار کی طرف سے جموں و کشمیر کے تعلیم یافتہ نوجوان کو سول سروس امتحانات میں شامل ہونے میں عمر میں رعایت دینے کے برسوں سے چلے آرہے عمل کو ختم کر دیا ہے۔

یہ حکمنامہ دفعہ 370 کے خاتمے کے بعد لئے جانے والے فیصلوں میں سے ایک ہے۔ اس حکم نامے سے کشمیری نوجوانوں میں مایوسی پیدا ہوئی ہے۔

غور طلب ہے کہ جموں و کشمیر کے نوجوانوں کیلئے سول سروس امتحانات میں پانچ برسوں کی رعایت دی جاتی تھی۔

اگرچہ بیرونی ریاستوں سے تعلق رکھنے والے نوجوان 32 سال کی عمر کے بعد سول سروس امتحانات میں شامل نہیں ہو سکتے تھے، لیکن جموں و کشمیر کے نوجوانوں کیلئے پانچ سالوں کی یہ رعایت سے وہ 37 برس کی عمر تک ان امتحانات میں حصہ لے سکتے تھے۔ تاہم مرکزی سرکار نے یہ رعایت گزشتہ روز ختم کر دی ہے۔