نیشنل کانفرنس نے ولیج ڈیفینس کمیٹیوں NC Concerned over Reactivating VDCsکو ولیج ڈیفینس گارڈ کا نام دے کر دوبارہ بحال کیے جانے کے اقدام پر سخت برہمی کا اظہار کرتے ہوئے اسے تشویشناک قرار دیا ہے۔
نیشنل کانفرنس کے ترجمان عمران نبی ڈار نے بیان جاری کرتے ہوئے کہا ہے کہ ’’حکومت نے یہ اقدام سرانجام دیکر اس بات کا اعتراف کیا ہے کہ جموں وکشمیر کے حالات بد سے بدتر ہو گئے ہیں اور نوبت یہاں تک آن پڑی ہے کہ اب حکومت کو ولیج ڈیفنس گروپس (VDGs)کا قیام عمل میں لانا پڑا۔‘‘
ڈار نے مزید کہا کہ ’’وی ڈی سی کی ہاتھوں ماضی میں کئی بے گناہوں کی جانیں تلف ہوئی ہیں اور یہی وجہ ہے کہ انہیں تحلیل کر دیا گیا تھا۔‘‘
این سی ترجمان کے مطابق ’’ماضی میں بیشتر معاملات ایسے سامنے آئے ہیں جن میں وی ڈی سی ممبران نے ذاتی مفادات کیلئے بندوق کا استعمال کیا۔‘‘ National Conference on VDCsانہوں نے مزید کہا کہ ’’وی ڈی سی ممبران نے بندوق کا نا جائز استعمال کیا ہے جن میں بہت ساری انسانی جانوں کا زیاں ہوا چکا ہے۔‘‘
ترجمان نے مزید کہا کہ ’’وی ڈی جی ممبران کی جانب سے مستقبل میں کسی بھی قسم کے ناخوشگوار واقعے کو انجام دینے کی ذمہ داری براہ راست وی ڈی سیز کو نئے سرے سے فعال اور وی ڈی جیز بنانے والوں پر عائد ہوگی۔‘‘
- مزید پڑھیں: وی ڈی سی کارکنان کے احتجاج میں بی جے پی بھی شامل
انہوں نے کہا کہ ’’وی ڈی سی ممبران کا رول انتہائی نقصان دہ ثابت ہوا ہے اور اس کے پیش نظر حکومت کو ایسے کسی بھی اقدام سے اجتناب کرنا چاہئے تھا۔‘‘
