بتادیں کہ پی ایچ ای محکمہ میں کام کرنے والے عارضی ملازمین 7 فروری سے اپنے مطالبات کو لے کر برسر احتجاج ہیں۔ ان کے مطالبات میں تنخواہوں کی واگزاری اور نوکریوں کی مستقلی خاص طور پر قابل ذکر ہیں۔
موصوف رہنما نے کہا کہ 'یہ عارضی ملازمین عرصہ دراز سے محکمے کی خدمت میں محو ہیں لیکن بدقسمتی کی بات یہ ہے کہ ان کی خدمات کو نظر انداز کیا جارہا ہے۔'
انہوں نے کہا کہ 'ستم ظریفی کی بات یہ ہے کہ انتطامیہ احتجاجی ملازمین کے ساتھ بات چیت کے بجائے ان کے خلاف طاقت کا استعمال کر رہا ہے۔'
تاریگامی نے کہا کہ انتظامیہ کی طرف سے کسی اہم حکمے کے ملازمین کے مسائل کو التوا میں رکھنے سے اس محکمہ کی کارگردگی متاثر ہوتی ہے جس کا براہ راست اثر عام لوگوں پر پڑتا ہے۔
انہوں نے انتظامیہ بالخصوص جموں کشمیر کے لیفٹیننٹ گورنر گریش چندرا مرمو سے اپیل کی کہ وہ ان عارضی ملازمین کی طرف توجہ مبذول کرکے ان کو درپیش مسائل کو حل کریں تاکہ ان کے اہل خانہ کو مزید مشکلات سے دوچار نہ ہونا پڑے۔
