Security Meeting for G20 Summit جی ٹوئنٹی سمٹ کیلئے سول و پولیس افسران کو چوکس رہنے کی ہدایات

رواں ماہ کے آخری عشرہ میں یعنی 22 سے 24 مئی تک سرینگر میں جی ٹوئنٹی سمٹ کے کامیاب اور پُرامن انعقاد کے لیے انتظامیہ تیاریوں میں مصروف ہے۔ وہیں آج سرینگر میں سول و پولیس افسران نے اس حوالے سے ایک میٹنگ منعد کی جس کی صدرت اے ڈی جی پی کشمیر وجے کمار اور صبوئی کشمیر کشمیر وجے کمار بدھوری نے کی۔

سرینگر: جموں کشمیر کے گرمائی دارالحکومت سرینگر میں 22 سے 24 مئی کو ہونے والی بین الاقوامی جی ٹوئنٹی سمٹ کے سلسلے میں سرینگر ضلع کے پولیس و سول افسران کو سکیورٹی کے متعلق کئی ہدایات دیئے گئے۔افسران کو جی ٹوئنٹی کے دوران عوام سے بھی اچھا سلوک کرنے کی ہدایت دی گئی اور کسی بھی شہری کو ہراساں نہ کرنے کے متعلق بھی کہا گیا۔
اس میٹنگ کی صدارت کشمیر پولیس زون کے ایڈیشنل ڈائریکٹر جنرل وجے کمار اور صوبائی کمشنر کشمیر وجے کمار بدھوری نے کی۔میٹنگ میں ضلع سرینگر کے مجسٹریٹ محمد اعجاز، ضلع کے ایس پیز، ڈی ایس پیز، تحصیلداروں اور نائب تحصیلداروں نے شرکت کی۔

اے ڈی جی پی نے پولیس و سول افسران کو ہدایت دی کہ وہ آپس میں تال میل رکھے اور جی ٹوئنٹی سمٹ کو پر امن ماحول میں منعقد کرنے کے لئے تمام طرح کے اقدامات اٹھائے۔ اے ڈی جی پی کشمیر وجے کمار نے کہا کہ رات کے دوران سڑکوں پر پہرہ لگایا جائے تاکہ عسکریت پسندوں کو حرکت کرنے کی کوشش کو ناکام بنایا جائے۔انہوں افسران کو بتایا کہ افواہ پھیلانے والے افراد کی نشاندہی کی جائے اور ان پر بروقت قانونی کارروائی کی جائے۔

غور طلب ہے کہ سرینگر میں 22 تا 24 مئی سے بین الاقوامی ممالک کی جی ٹوئنٹی اجلاس منعقد ہورہا ہے، جو بلواڈ روڈ پر واقع ایس کے آئی سی سی میں منعقد کیا جارہا ہے۔اس سمٹ میں جی ٹوئنٹی ممالک کے مندوبین حصہ لے رہے ہیں جہاں وہ عالمی سطح پر موسمی تبدیلی، انسداد دہشت گردی، معاشی سست روی سے نمٹنے کے لئے لائحہ عمل اور دیگر ضروری اقدامات کرنے پر تبادلہ خیال کرتے ہیں۔جی ٹوئنٹی میں دنیا کے بیس بڑے ممالک بشمول ارجنٹینا، آسٹریلیا، برازیل، کینیڈا، چین، جرمنی، فرانس، بھارت، انڈونیشیا، اٹلی، جاپان، میکسیکو، روس، سعودی عرب، جنوبی افریقہ، جنوبی کوریا، ترکی، برطانیہ ہے۔ان ممالک کے ممبران وادی میں سمٹ میں حصہ لینے والے ہیں۔