بصیر احمد خان جو کہ کشمیر صوبے میں کورونا وائیرس کے پھیلاﺅ پر قابو پانے کے لیے کی جا رہی کوششوں کے انچارج بھی ہیں، نے مساجد کے منتظمین سے کہا کہ وہ لوگوں سے بھی اپیل کریں کہ اس وقت نمازیں گھروں میں ادا کریں۔
انہوں نے کہا کہ تبلیغی جماعت سے چند لوگوں نے بانڈی پورہ میں تبلیغ کی تھی جس کی وجہ سے ہی باںڈی پورہ میں کورونا وائرس کے معاملات سامنے آئے ہیں۔
بصیر احمد خان نے کہا کہ ہم پوری کوشش کر رہے ہیں کہ جو لوگ ان کے رابطے میں تھے اور جو ان سے ملے تھے ان کو تلاش کر کے ان کی بھی جانچ کی جائے تاکہ کورونا وائرس کو پھیلنے سے روکا جائے۔
انہوں نے مزید کہا کہ ہم گھر گھر راشن اور گیس پہنچا رہے ہیں تاکہ لوگ گھروں سے باہر نہ نکلیں اور کورونا وائرس کے خطرات کو روکا جائے۔
انہوں نے عوام سے اپیل کی کہ وہ اپنے گھروں میں ہی رہیں اور انتظامیہ کی مدد کریں۔
