جموں کشمیر سروس سلیکشن بورڈ نے ان خالی آسامیوں کو پُر کرنے کے لئے آن لائن درخواست جمع کرنے کی تاریخ 10 جولائی مقرر کیا ہے جبکہ فارم بھرنے کی آخری تاریخ 25 اگست ہے۔
مختلف محکموں میں درجہ چہارم کے ان خالی آسامیوں میں ضلعی سطح، صوبائی سطح اور یونین ٹریٹری جموں و کشمیر سطح پر امیدوار درخواست جمع کر سکتے ہیں۔
خیال رہے کہ جموں و کشمیر میں پندرہ سال تک رہنے والا شخص اب جموں و کشمیر میں ڈومیسائل حاصل کرنے کے ساتھ ہی اب سرکاری نوکری پانے کا حق حاصل کر چکے ہیں۔
سرکار کی جانب سے جاری گزٹ نوٹیفیکیشن کے مطابق، جموں ر کشمیر ری آرگنائزیشن آرڈر 2020 میں سیکشن 3 اے جوڑا گیا ہے، جس کے تحت ریاست/یونین ٹریٹری کا باشندہ ہونے کی تعریف طے کی گئی ہے۔
اس کے مطابق، جس بھی شخص نے جموں و کشمیر میں پندرہ سال گزارے ہیں یا جس نے یہاں سات سال پڑھائی کی ہے اور 10ویں اور 12ویں کا امتحان یہیں کے کسی مقامی انسٹی ٹیوٹ میں دیا ہے، وہ یہاں کا باشندہ ہوگا۔ نئی تعریف کے تحت ریاست کے باشندوں میں مرکزی سرکاری حکام، سبھی سروسز کے حکام، پی ایس یو اور خودمختار اداروں کے حکام، پبلک سیکٹر کے بینک، قانونی اکائیوں کے حکام بھی شامل ہوں گے۔
