لیفٹیننٹ گورنر منوج سنہا نے جموں و کشمیر کے ثقافتی پہلوؤں کو فروغ دینے کے لئے راج بھون میں محکمہ ڈاک کے کنگری اور کہواہ کے موضوعات پر دو خصوصی کور جاری کیا۔
لیفٹیننٹ گورنر نے جموں و کشمیر یونین ٹیرٹری کے محکمہ ڈاک کے تمام افسران کو یوم آئین کے اہم موقع پر ان دو خصوصی پوسٹل کور کے ساتھ آنے پر مبارکباد دی۔
انہوں نے اس موقع پر کہا جموں وکشمیر متعدد کثیر الثقافتی سرزمین ہے جو بھارت کے متمول ورثہ کو ایک منفرد خوبصورتی فراہم کرتی ہے۔
انہوں نے مزید کہا 'مجھے پختہ یقین ہے کہ ثقافتی روایات کو اس طرح کے اقدام کے ذریعے تقویت ملے گی۔'
انہیں بتایا گیا کہ فلیٹلی علم کے وسائل میں سے ایک اہم ہے اور یہ محکمہ پوسٹس کی خدمات کا حصہ ہے۔ جموں و کشمیر پوسٹل سرکل بھی فلیٹلی کے میدان میں سرگرم عمل ہے۔
