سرینگر کے ایوانِ صحافت میں صحافیوں سے بات کرتے ہوئے لوک جن شکتی پارٹی جموں و کشمیر وننگ کے صدر روی ٹیکو نے اسمبلی انتخابات کے لیے مہم کا اعلان کیا۔
ای ٹی وی بھارت سے بات کرتے ہوئے ٹیکو کا کہنا تھا کہ ہمارے قومی صدر چراغ پاسوان سے ایک میٹنگ کے بعد یہ فیصلہ کیا گیا ہے کہ لوک جن شکتی پارٹی جموں و کشمیر کی ہر ایک اسمبلی نشست پر اپنے امیدوار میدان میں کھڑا کرے گی۔ آج ہم نے اپنی جماعت کی انتخابی مہم کا آغاز کیا اور نئے اراکین کا بھی پارٹی میں استقبال کیا۔
اُن کا مزید کہنا تھا کہ "وادی میں لوک جن شکتی پارٹی کے حامی رام ولاس پاسوان کو سب جانتے ہیں اور ہمیں ہر جگہ عزت ملتی ہے۔
وہیں آج پارٹی میں شمولیت کرنے والے بشیر احمد کا کہنا تھا کہ آج تک ہمارے ساتھ کیے گئے وعدے پورے نہیں کیے گئے۔ لوک جن شکتی پارٹی پر ہمیں پورا اعتماد ہے اور یقین ہے کی یہ ہمارے اُمیدوں پر کھرا اُترے گی۔
قابل ذکر ہے کہ پانچ اگست سے مقامی سیاسی جماعتوں کے لیڈران نظربند یہ قائد میں ہیں اور انتظامیہ کی جانب سے اسمبلی انتخابات کے تعلق سے کوئی بھی الان نہیں کیا گیا ہے۔
اس سے قبل وادی کی دو بڑی سیاسی جماعتوں نیشنل کانفرنس اور پی ڈی پی کے سرینگر میں واقع ہیڈکوارٹرز پر اجلاس منعقد ہوئے تھے جن میں چھوٹے رہنماؤں اور پارٹی کارکنا نے شرکت کی۔
