Migrant Worker Killed In Pulwama غیر مقامی مزدور کی ہلاکت پر منوج سنہا، محبوبہ مفتی نے اظہار افسوس

پلوامہ کے تمچی ناؤ پورہ علاقے میں پیر کے روز نامعلوم عسکریت پسندوں نے ایک غیر مقامی مزدور کو گولیاں مار کر ہلاک کر دیا۔ متوفی کی شناخت اترپردیش کے مکیش کمار کے بطور ہوئی ہے۔

سرینگر: جموں کشمیر کے ضلع پلوامہ میں پیر کے روز نامعلوم عسکریت پسندوں کی جانب سے ایک غیر مقامی مزدور کی ہلاکت پر یونین ٹریٹری کے لیفٹیننٹ گورنر منوج سنہا اور سابق وزیر اعلٰی محبوبہ مفتی نے افسوس کا اظہار کرتے ہوئے اس ہلاکت کی مذمت کی ہے۔

• Migrant workers leave their families to earn their livelihood. To see them being targeted is heartbreaking. Condemn the killing of a labourer in Pulwama today. Deepest condolence to his family. https://t.co/6B1nVTOhzt

  — Mehbooba Mufti (@MehboobaMufti) October 30, 2023 " class="align-text-top noRightClick twitterSection" data="

  Migrant workers leave their families to earn their livelihood. To see them being targeted is heartbreaking. Condemn the killing of a labourer in Pulwama today. Deepest condolence to his family. https://t.co/6B1nVTOhzt

  — Mehbooba Mufti (@MehboobaMufti) October 30, 2023

  ">

  Migrant workers leave their families to earn their livelihood. To see them being targeted is heartbreaking. Condemn the killing of a labourer in Pulwama today. Deepest condolence to his family. https://t.co/6B1nVTOhzt

  — Mehbooba Mufti (@MehboobaMufti) October 30, 2023

منوج سنہا نے ایک بیان میں کہا کہ اتر پردیش کے باشندے مکیش کمار کی 'دہشت گردی' حملے میں ہلاکت پر ان کو کافی رنج ہوا ہے۔ معصوم مکیش کمار کی ہلاکت میں ملوث 'دہشت گردوں' کو بخشا نہیں جائے گا۔ انہوں نے کہا کہ وہ پلوامہ میں 'دہشت گردانہ حملے' کی سخت مذمت کرتے ہیں اور سوگواران کے ساتھ اظہار تعزیت کرتے ہیں۔

انہوں نے کہا کہ ان کا عزم ہے کہ وہ 'دہشت گردی' کا خاتمہ کرے گے جس کی پذیرائی اور امداد سرحد کے اُس پار کی جارہی ہے۔

دوسری جانب پی ڈی پی صدر اور سابق وزیر اعلیٰ محبوبہ مفتی نے غیر مقامی مزدور کی ہلاکت پر سماجی رابطہ سائٹ ایکس پر پوسٹ کرتے ہوئے لکھا کہ وہ( غیر مقامی مزدور) اپنی اہل خانہ کو چھوڑ کر یہاں روزگار کمانے کے لئے آیا ہے اور ان کی یہاں ٹارگٹ کلنگ کرنا دل دہلانے والے واقعات ہے۔محبوبہ مفتی نے کہا کہ وہ سوگوار خاندان کے غم میں شریک ہے اور اس ہلاکت کی مذمت کرتی ہیں۔

غور طلب ہے کہ وادی کے ضلع پلوامہ کے ایک چھوٹی گاؤں تمچی ناؤ پورہ میں آج صبح نو بجے کے قریب نامعلوم عسکریت پسندوں نے اترپردیش کے مزدور مکیش کمار کو گولیوں سے ہلاک کیا۔37 برس کے مکیش کمار اس گاؤں میں اینٹ کے بھٹے پر گزشتہ پانچ ماہ سے مزدوری کر رہے تھے۔ ان کے ساتھیوں کے مطابق وہ نزدیکی بازار میں صبح نو بجے سبزی خریدنے گئے تھے لیکن ان کو راستے پر ہی مسلح افراد نے گولی مار کر ہلاک کیا۔ کشمیر میں دو روز میں اس نوعیت کا یہ دوسرا واقع ہے۔ گزشتہ روز عسکریت پسندوں نے سرینگر کے عیدگاہ میں ایک پولیس انسپکٹر مسرور احمد وانی کو گولیوں سے شدید زخمی کیا تھا۔ مذکورہ افسر اس وقت سرینگر کے صورہ ہسپتال میں موت و حیات کی کشمکش میں ہیں۔

غور طلب ہے کہ جموں کشمیر پولیس کے ڈائریکٹر جنرل دلباغ سنگھ کل یعنی 31 اکتوبر کو سبکدوش ہورہے ہیں۔ ان کی سبکدوشی سے قبل وادی میں یہ دو ہلاکتیں پیش آئی ہے۔