لاوڈا کے ایک عہدیدار نے ای ٹی وی بھارت کو بتایا کہ لاوڈا کی انفورسمنٹ ونگ نے سرینگر کے لشکری محلہ، رعناواری اور نگین علاقوں کے گرین بیلٹ میں تین ایسے غیر قانونی تعمیر شدہ ڈھانچے منہدم کرنے کے علاوہ ایک ٹپر کو بھی ان ڈھانچوں کے لئے سامان فراہم کرنے پر ضبط کیا ہے۔
لاوڈا کی انہدامی کارروائی میں کئی ڈھانچے مہندم
لاوڈا کی اس انہدامی کاروائی کے دوران دو مکانات منہدم کئے گئے جو بغیر اجازت کے تعمیر کئے جارہے تھے- مزید کئی ایسی عارضی پناہ گاہیں بھی ہٹا دی گئیں جو سڑکوں پر بنائی جارہی تھی اس کے علاوہ وہاں موجود میز اور کرسیاں وغیرہ کی شکل میں موجود سامان بھی لاوڈا نے اپنے قبضے میں لے لیا ہے۔
عہدیدار نے مزید کہا کہ اس وقت ٹپروں کے ذریعے غیر قانونی طور پر تعمیراتی سامان لے جانے کے خلاف بھی کارروائی جاری ہے اور ان کے خلاف کیس بھی درج کیا گیا ہے۔
